“Manchester Yunayted” Brayan Mbemoga qiziqish bildirmoqda

“Manchester Yunayted” “Brentford” yarim himoyachisi Brayan Mbemoga qiziqish bildirmoqda. Top Mercato nashrining xabariga ko'ra, mankunianliklar londonliklar bilan futbolchining ehtimoliy transferi bo'yicha muzokaralarni boshlagan.

25 yoshli Mbemo o'tgan mavsum Premyer-ligada 38 ta o'yinda maydonga tushib, 20 ta gol urdi va 8 ta golli uzatmani amalga oshirdi. Manbaga ko'ra, “Brentford” futbolchini 59 million yevroga baholagan.

Mbemoning “Brentford” bilan tuzgan amaldagi shartnomasi 2026-yilning iyun oyiga qadar mo'ljallangan. Shuningdek, bitimni yana bir yilga uzaytirish imkoni mavjud. Mbemo 2019-yildan buyon ingliz klubida to'p surmoqda

Nasrullo Karimov

Jurnalist