“Manchester Siti” yetakchilaridan biri jamoasini o'zgartirishi mumkin

“Manchester Siti”ning 30 yoshli yarim himoyachisi Bernardo Silva yozgi transferlar vaqtida jamoasini o'zgartirishi mumkin. Bu haqda A Bola nashri xabar bermoqda.

Manbaga ko'ra, “Galatasaroy” va “Benfika” portugaliyalik futbolchiga qiziqish bildirmoqda va uni sotib olish imkoniyatlarini ko'rib chiqmoqda.

Ta'kidlanishicha, turk klubining Silvani qo'lga kiritish imkoniyati ko'proq, chunki ular yarim himoyachini yuqori maosh bilan ta'minlashga qodir.

Ma'lumot uchun, Silva 2017-yilning yozidan buyon “Manchester Siti”da to'p surmoqda. U o'tgan mavsum barcha turnirlarda 49 ta o'yinda maydonga tushib, 5 ta gol urdi va 4 ta golli uzatmani amalga oshirdi. Uning Transfermarkt'dagi narxi 38 million yevroga baholanmoqda.

Nasrullo Karimov

Jurnalist