“Manchester Siti” ojiz nuqtalarini “Yuventus” futbolchilari bilan to'ldirmoqchi

“Manchester Siti” “Yuventus”ning chap qanot himoyachisi Andrea Kambiyaso va darvozabon Mishel Di Gregorioga jiddiy qiziqish bildirmoqda. Bu haqda Tuttosport nashri xabar berdi.

Manbaga ko'ra, turinliklar Kambiyaso uchun 70 million yevro, Di Gregorio uchun esa 30 million yevro talab qilmoqda. “Shaharliklar” rahbariyati hozirda ushbu transferlar ustida ish olib bormoqda.

Ma'lumot uchun, Kambiyasoning “Yuventus” bilan tuzgan amaldagi shartnomasi 2029-yilga qadar amal qiladi. Uning Transfermarkt'dagi narxi 40 million yevroga baholanmoqda.

Di Gregorioning shartnoma muddati ham aynan 2029-yilning yoziga qadar mo'ljallangan. Uning Transfermarkt'dagi narxi 18 million yevroga baholanmoqda.

Nasrullo Karimov

Jurnalist