“Manchester Siti” 18 yoshli norvegiyalik futbolchini sotib oladi - The Athletic

Futbol 12 iyn 2025 da 13:03

Nasrullo Karimov

Jurnalist

“Manchester Siti” “Rusenborg” bilan 18 yoshli yarim himoyachi Sverre Naypan transferi bo'yicha kelishuvga erishdi. Bu haqda The Athletic nashri xabar bermoqda.

Manbaga ko'ra, “shaharliklar” norvegiyalik futbolchini 14,6 million yevroga sotib oladi. Taxminlarga ko'ra, Naypan bilan tuzilgan shartnoma 2030-yilga qadar mo'ljallangan.

Qayd etilishicha, kelishuv yakunlangach yosh yarim himoyachi kelgusida ko'proq o'yin amaliyotiga ega bo'lishi va yanada o'sishi uchun bir mavsumga ijaraga beriladi.

Ma'lumot uchun, Naypan o'tgan mavsum barcha turnirlarda 10 ta o'yin o'tkazib, bitta golga mualliflik qildi. Uning Transfermarkt'dagi narxi 12 million yevroga baholanmoqda.