Maguayr: “Keyingi mavsumda biz yaxshiroq bo‘lamiz”
“Manchester Yunayted” himoyachisi Harri Maguayr kelgusi mavsum haqida o‘z fikrlari bilan bo‘lishdi.
“Bu mavsumda biz yetarlicha yaxshi bo‘lmaganimizni bilamiz. Juda og‘ir o‘tdi, bu hammaga ayon.
So‘nggi bir-ikki oyda asosiy e’tiborni Yevropa Ligasi uchun tarkibga qaratdik. Tabiiyki, bu bizni ranjitadi. Bunday bo‘lishi kerak emasdi.
Ikki oy avval yaxshiroq ahvolda bo‘lishimiz, Yevropa Ligasi va Chempionlar Ligasi yo‘llanmasi uchun kurashishimiz zarur edi. Klubimiz shuni talab qiladi.
Bu mavsum klubimiz va bizning standartlarimiz uchun yetarli darajada yaxshi bo‘lmadi, buni tushunamiz. Keyingi mavsumda biz ancha yaxshiroq bo‘lamiz," — dedi Maguayr.
Ruben Amorim bosh murabbiyligidagi jamoa chempionat yakunlanishiga bir tur qolganida APL jadvalida 16-o‘rinda bormoqda.
