Madridning "Real" klubi APL himoyachilarini erkin agent sifatida olishni rejalashtirmoqda
Madridning "Real" klubi himoya chizig'ini kuchaytirish niyatida, biroq katta mablag' sarflashni istamayapti. Marca nashri xabariga ko'ra, klub "Liverpul" a'zosi Ibrahima Konate va "Arsenal" futbolchisi Vilyam Salibaga qiziqish bildirgan. Biroq har ikki futbolchining bahosi taxminan 100 million yevroni tashkil etadi, bu esa ispaniyaliklar uchun juda qimmat.
Shu sababli, "Real" ularning shartnomalari tugashini kutmoqchi va transfer to'lovisiz olishni maqsad qilgan. Konatening "Liverpul" bilan shartnomasi 2026 yilgacha, Salibaning "Arsenal" bilan shartnomasi esa 2027 yilgacha amal qiladi.
Bundan tashqari, "Real" yaqin orada "Liverpul" himoyachisi Trent Aleksander-Arnoldni ham erkin agent sifatida jamoaga qo'shishi kutilmoqda. Ayni paytda madridliklar La Ligada ikkinchi o'rinda borishmoqda va "Barselona"dan to'rt ochko ortda qolishmoqda.
Aloqador jamoalar va ligalar
