Madrid grandi yozda 9 nafar futbolchisi bilan xayrlashishi mumkin
Futbol
Nasrullo Karimov
Jurnalist
FOTO: Getty Images
Madridning “Atletiko” klubi yozgi transferlar vaqtida birdaniga to'qqiz nafar futbolchisi bilan xayrlashishi mumkin. Bu haqda Marca nashri xabar bermoqda.
Manbaga ko'ra, “matraschilar” safini shartnoma muddati yakunlangani munosabati bilan Aksel Vitsel, Sezar Aspilikueta va Reynildu tark etishi aniq.
Shuningdek, Anxel Korrea, Rodrigo Rikelme, Samuel Lino va Nauel Molina ham Madrid klubini tark etishga yaqin turibdi.
“Atletiko”ning ehtimoliy yo'qotishlari sifatida yarim himoyachilar Rodrigo de Paul va Konor Gallaxer ham tilga olinmoqda.
Eslatib o'tamiz, “Atletiko” o'tgan mavsum La Ligada 76 ochko jamg'arib, uchinchi o'rinni egalladi. “Matraschilar” keyingi mavsum Chempionlar Ligasida ishtirok etadi.
