Luis de la Fuyente: Yamal Jahon chempionatidagi ilk bahsga optimal sport formasida yetib keladi
Ispaniya milliy jamoasi bosh murabbiyi Luis de la Fuyente «Barselona» vingeri Lamin Yamalning sog‘lig‘i haqida ma’lumot berdi.
Mutaxassisning aytishicha, 18 yoshli futbolchi tiklanish jarayonini rejalashtirilgan muddatdan tezroq o‘tkazmoqda.
«U tiklanishni belgilangan jadvaldan tezroq davom ettirmoqda. Har kuni Laminning holati yaxshilanib bormoqda.
Menimcha, Yamal Jahon chempionatidagi ilk bahsga optimal sport formasida yetib keladi», — dedi de la Fuyente.
Eslatib o‘tamiz, yosh iqtidor Ispaniya milliy jamoasining asosiy futbolchilaridan biri hisoblanadi va uning safga qaytishi jamoa uchun muhim ahamiyat kasb etadi.
Ispaniya milliy jamoasi JCH-2026 guruh bosqichidagi ilk uchrashuvini 15 iyun kuni Kabo-Verdega qarshi o‘tkazadi.
Ma’lumot uchun, amaldagi jahon chempioni Argentina milliy jamoasi hisoblanadi.
