«Liverpul» YChL tarixida «Real» ustidan eng koʻp «quruq» gʻalabaga erishgan klubga aylandi

Angliyaning «Liverpul» klubi Chempionlar ligasi tarixida «Real» ustidan eng koʻp «quruq» gʻalabaga erishgan jamoaga aylandi. Bu haqda Stata Football nashri xabar bermoqda.

Manbaga koʻra, mersisaydliklar madridliklar bilan oʻtkazgan beshta uchrashuvda oʻz darvozasidan toʻp olib chiqmay, gʻalaba qozongan.

Eslatib oʻtamiz, «Liverpul» 4 noyabr kuni boʻlib oʻtgan Chempionlar ligasi umumiy guruh bosqichining 4-turidan oʻrin olgan bahsda «Real»ni 1:0 hisobida magʻlub etdi. Yagona gol Aleksis Makallister nomiga yozildi.

Maʼlumot uchun, «Real» Chempionlar ligasi tarixidagi mutlaq rekordchi hisoblanadi. Madridliklar ushbu turnirda jami 15 marta gʻalaba qozongan. «Liverpul»da esa bu koʻrsatkich 6 tani tashkil etadi.

Nasrullo Karimov

Jurnalist