“Liverpul” “Inter” futbolchisi uchun 100 million yevro sarflashi mumkin

“Liverpul” “Inter”ning 28 yoshli yarim himoyachisi Nikola Barellaga qiziqish bildirmoqda. Bu haqda La Gazzette dello Sport nashriga tayanib, Sport Witness xabar bermoqda.

Manbaga ko'ra, “neradzurrilar” italiyalik futbolchining narxini 100 million yevroga baholagan. Ta'kidlanishicha, mersisaydliklar Barellani bu narxga sotib olishi dargumon.

Ma'lumot uchun, Barella joriy mavsum barcha turnirlarda 41 ta o'yinda maydonga tushib, 3 ta gol urdi va 8 ta golli uzatmani amalga oshirdi. Uning Transfermarkt'dagi narxi 80 million yevroga baholanmoqda.

Nasrullo Karimov

Jurnalist