Levandovski: \"Kelasi mavsum ham \"Barselona\"da qolaman\"

Polsha terma jamoasi va “Barselona” hujumchisi Robert Levandovski kelajagi haqida gapirdi.

“Faoliyatim davomida 30 dan ortiq titullarni qo‘lga kiritganman. Lekin men ko‘proq narsaga tayyorman. Jamoamiz keyingi mavsumda ham yaxshiroq bo‘ladi. "Barselona"ning moliyaviy muammolari meni bezovta qilmaydi, men albatta qolaman. Ketishim haqida hech qanday gap-so‘zlarga o‘rin yo‘q. Hozirga kelib klubdagi faoliyatim haqida ko‘proq o‘ylayapman", - dedi Levandovski.

O‘tgan mavsum 36 yoshli hujumchi “Barselona” safida barcha musobaqalarda 52 ta o‘yinda maydonga tushib, 42 ta gol urdi va 3 ta assist amalga oshirdi. Futbolchining klub bilan amaldagi shartnomasi 2026 yilning iyuniga qadar mo‘ljallangan.

Roziqjon Sultonmurodov

Jurnalist