Levandovski faoliyatini «Milan»da davom ettirishi mumkin
«Rossonerilar» polshalik forvardni tekinga qoʻlga kiritmoqchi.
FOTO: Getty Images
«Milan» qishki transfer oynasi oldidan «Barselona» hujumchisi Robert Levandovskini asosiy maqsad sifatida belgiladi. Bu haqda Sport.es xabar bermoqda.
Manbaning yozishicha, Italiya klubi yanvar oyidayoq 37 yoshli forvard bilan kelishuvga erishishni rejalashtirmoqda.
Reja shundan iboratki, Levandovski 2026 yilning yozida — «Barselona» bilan amaldagi shartnomasi yakunlangach — «Milan»ga o‘tishi mumkin. Xabarga ko‘ra, «rossonerilar» sport direktori futbolchining atrofidagi odamlar bilan allaqachon ilk aloqalarni o‘rnatgan.
Maʼlumot uchun, Levandovski joriy mavsumda barcha turnirlar doirasida 12 ta o‘yin o‘tkazib, 7 ta gol urishga muvaffaq bo‘lgan. Transfermarkt ma’lumotiga ko‘ra, uning bozor qiymati 10 million yevroni tashkil etadi.
Nasrullo Karimov
Jurnalist
