La Liganing to'rtta klubi Jeymi Vardiga qiziqish bildirmoqda
FOTO: Getty Images
Ispaniya La Ligasining 4 ta klubi “Lester Siti”ning sobiq hujumchisi Jeymi Vardiga qiziqish bildirmoqda. Bu haqda jurnalist Ekrem Konur xabar bermoqda.
Manbaga ko'ra, hozirda erkin agent hisoblangan 38 yoshli forvardni “Sevilya”, “Valensiya”, “Vilyareal” va “Betis" o'z safiga qo'shib olmoqchi.
Qayd etilishicha, Vardining xizmatlariga Amerikaning “San-Diyego” va “D.S. Yunayted”, shuningdek, Angliyaning “Lids Yunayted” va “Vulverxempton” klublari ham qiziqish bildirmoqda.
Ma'lumot uchun, Vardi o'tgan mavsum klub safida jami 36 ta o'yinda maydonga tushib, 10 ta gol urdi va 4 ta golli uzatmani amalga oshirdi. U 2012-yildan buyon “Lester Siti”da o'ynab kelayotgandi.
Nasrullo Karimov
Jurnalist
