Kunha \"MYU\"ga o‘tishi haqida: \"Bu faoliyatim uchun chaqiriq ekanini his qildim\"
Photo: Getty Images
“Manchester Yunayted" klubiga yangi kelib qo‘shilgan Mateus Kunha o‘zining transferi borasida izoh berdi.
"Men haqiqatan ham bu klubdagi bosimni imtiyoz deb hisoblayman. Bu dunyodagi eng yirik jamoalardan biri. Ruben Amorim oldimga kelib, o‘z loyihasini ko‘rsatganida, bu faoliyatim uchun chaqiriq ekanini his qildim va uni qabul qildim”, - deya hujumchining so‘zlarini keltiradi "MYU" rasmiy sayti.
O‘tgan mavsumda 26 yoshli futbolchi klub miqyosida 36 ta o‘yinda 17 ta gol urdi va 6 ta golli uzatmani amalga oshirdi.
“MYU” klubi braziliyalik hujumchining transferiga 74 million yevro sarfladi.
Roziqjon Sultonmurodov
Jurnalist
