Kivu: «Bastoni bizga ko’p narsa beradi»
«Inter» bosh murabbiyi Kristian Kivu «neradzurrilar» himoyachisi Alessandro Bastoniga «Real» va «Barselona» tomonidan boʻlayotgan qiziqishlar haqidagi mish-mishlarga izoh berdi.
«Alessandro Bastoni kelajakda bizga koʻp narsa beradi. Uning «Real» yoki «Barselona»ga oʻtishi haqidagi mish-mishlar normal holat, chunki u dunyoning eng yaxshi markaziy himoyachilaridan biri. Ammo u hozirgi kundagi eng yaxshi futbolchilarimizdan biri. Va men Bastoni kelajakda «Inter»ga nima bera olishini bilaman», — deya Kivuning soʻzlaridan iqtibos keltiradi Gazzetta dello Sport.
Himoyachining «Inter» bilan amaldagi shartnomasi 2028-yilning yoziga qadar moʻljallangan. Joriy mavsumda Alessandro Milan klubi safida 40 ta oʻyinda maydonga tushib, ikkita gol urdi va oltita golli uzatmani amalga oshirdi.
