Киву: «Бастони бизга кўп нарса беради»
«Интер» бош мураббийи Кристиан Киву «нерадзуррилар» ҳимоячиси Алессандро Бастонига «Реал» ва «Барселона» томонидан бўлаётган қизиқишлар ҳақидаги миш-мишларга изоҳ берди.
«Алессандро Бастони келажакда бизга кўп нарса беради. Унинг «Реал» ёки «Барселона»га ўтиши ҳақидаги миш-мишлар нормал ҳолат, чунки у дунёнинг энг яхши марказий ҳимоячиларидан бири. Аммо у ҳозирги кундаги энг яхши футболчиларимиздан бири. Ва мен Бастони келажакда «Интер»га нима бера олишини биламан», — дея Кивунунг сўзларидан иқтибос келтиради Gazzetta dello Sport.
Ҳимоячининг «Интер» билан амалдаги шартномаси 2028-йилнинг ёзига қадар мўлжалланган. Жорий мавсумда Алессандро Милан клуби сафида 40 та ўйинда майдонга тушиб, иккита гол урди ва олти марта голли узатма амалга оширди.
