Kilian Mbappe shifoxonaga yotqizildi

Futbol 19 iyn 2025 da 10:45

Nasrullo Karimov

Журналист

Madridning “Real” klubi hujumchisi Kilian Mbappe Qo‘shma Shtatlarda shifoxonaga yotqizildi. Bu haqda klub rasmiy saytida xabar berildi.

“Futbolchimiz Kilian Mbappe o‘tkir gastroenteritdan aziyat chekmoqda va bir qator tahlillar topshirish hamda tegishli davolanish kursini o‘tashi uchun shifoxonaga yotqizildi”, deyiladi klub bayonotida.

Ma’lumot uchun, 26 yoshli futbolchi sog‘lig‘i bilan bog‘liq muammolar sababli Klublar o‘rtasidagi Jahon chempionati 1-turidagi Saudiyaning “Al-Hilol” klubiga qarshi uchrashuvni o‘tkazib yuborgan edi.

“Real” AQSHda o‘tayotgan turnirda durang (1:1) bilan start oldi. Joriy yilning 22 iyun kuni 2-tur doirasida “qaymoqranglilar” Meksikaning “Pachuka” klubi bilan bahs olib boradi.

Aloqador jamoalar va ligalar

Real Madrid

Klublar o‘rtasidagi jahon chempionati