Kepa Arrizabalaga faoliyatini “Arsenal”da davom ettirishi mumkin
FOTO: Getty Images
Londonning “Arsenal” klubi “Chelsi” darvozaboni Kepa Arrizabalagani sotib olish variantini ko'rib chiqmoqda. Bu haqda Sky Sports jurnalisti Luka Bendoni xabar berdi.
Manbaga ko'ra, ispaniyalik golkiperning shartnomasidagi tovon puli 5 million funt sterlingni (5,9 million yevro) tashkil qiladi.
Eslatib o'tamiz, Arrizabalaga 2018-yildan buyon “Chelsi”da o'ynab kelmoqda. Bu davr ichida u barcha turnirlarda 163 ta o'yinda maydonga tushgan, ularning 59 tasida o'z darvozasi daxlsizligini saqlab qolgan.
Kepaning “aristokratlar” bilan tuzgan amaldagi shartnomasi 2026-yilning yozida yakuniga yetadi. Uning Transfermarkt'dagi narxi 10 million yevroga baholanmoqda.
Nasrullo Karimov
Jurnalist
