Kazemiro “Manchester Yunayted”da Krishtianu Ronaldunikiga teng maosh olishi mumkin

Futbol 04 may 2025 da 03:20

Nasrullo Karimov

Журналист

“Manchester Yunayted” yarim himoyachisi Kazemiro, agar mankunianliklar Yevropa Ligasida g'olib chiqib, Chempionlar Ligasiga yo'llanma olsa, maoshi sezilarli darajada ko'tariladi. Bu haqda Mirror nashri xabar bermoqda.

Manbaga ko'ra, braziliyalik futbolchining shartnomasida “qizil iblislar” Chempionlar Ligasiga chiqsa, uning maoshi 100 ming funtga oshirilishi ko'rsatilgan. Natijasida uning haftalik daromadi 500 ming funtni tashkil qiladi.

Taqqoslash uchun, xuddi shunday maoshni MYU'ning sobiq hujumchisi Krishtianu Ronaldu ham jamoadagi ikkinchi faoliyati davomida olgan edi.

Eslatib o'tamiz, “Manchester Yunayted” Yevropa Ligasi yarim finalining dastlabki o'yinida “Atletik Bilbao”ni 3:0 hisobida mag'lub etdi. Tomonlar o'rtasidagi javob o'yini 8-may kuni bo'lib o'tadi.

Aloqador jamoalar va ligalar

Manchester United

Yevropa ligasi

Chempionlar ligasi