Karlo Anchelotti Braziliya terma jamoasida ish boshlash uchun mamlakatga yetib keldi
65 yoshli italiyalik mutaxassis Karlo Anchelotti rasman Braziliyaga yetib keldi va mamlakat milliy terma jamoasida bosh murabbiy sifatida faoliyatini boshladi. Uning tayinlanishi 12 may kuni e'lon qilingan edi. Anchelottini Rio-de-Janeyroda muxlislar iliq kutib olishdi. U hozircha ommaviy tadbirlarsiz mehmonxonaga joylashdi, ammo unga bo‘lgan qiziqish ancha yuqori.
Anchelottining Braziliya futbol konfederatsiyasi bilan tuzgan shartnomasi 2026-yilgi Jahon chempionatigacha mo‘ljallangan. Uning debyuti jamoa boshqaruvida JCh–2026 saralash bosqichida Ekvador va Paragvayga qarshi o‘yinlarda bo‘ladi.
Ayni paytda Braziliya Janubiy Amerika saralash turnirida 21 ochko bilan to‘rtinchi o‘rinda bormoqda. Anchelottidan terma jamoani yana olamshumul darajaga olib chiqish kutilmoqda. Braziliya 2002-yildan buyon Jahon chempionatida g‘olib chiqqan emas.
Eslatib o‘tamiz, Karlo Anchelotti "Real Madrid" klubini 2013–2015 va 2021–2025 yillar oralig‘ida boshqarib, u bilan 3 marta Chempionlar ligasida g‘alaba qozongan, 2 marta La Liga chempionligini, Ispaniya Kubogi va Superkuboklarini, hamda boshqa ko‘plab xalqaro sovrinlarni qo‘lga kiritgan.
Braziliya milliy jamoasi Anchelotti boshchiligida yangi sahifani ochmoqda va muxlislar undan katta natijalar kutishyapti.