Karlo Anchelotti Braziliya terma jamoasi bilan shartnomasini uzaytirdi
Italiyalik mutaxassis Karlo Anchelotti Braziliya terma jamoasi bosh murabbiyi sifatidagi faoliyatini davom ettiradigan bo‘ldi. Braziliya futbol konfederatsiyasi (CBF) rasmiy sayti shartnoma 2030 yilgi jahon chempionati yakuniga qadar uzaytirilganini ma’lum qildi.
«Anchelottining jahon futboli tarixidagi eng muvaffaqiyatli jamoa — Braziliya terma jamoasi bosh murabbiyi lavozimidagi faoliyatini davom ettirishi nafaqat CBF tomonidan murabbiyning ishini qo‘llab-quvvatlashini, balki u 2025 yil may oyi oxirida kelganidan buyon jamoa va braziliyalik muxlislar orasida qozongan ishonchini ham aks ettiradi», — deyiladi CBF rasmiy bayonotida.
Ma’lumot uchun, 66 yoshli mutaxassis qo‘l ostida «pentakampeonlar» hozirga qadar 10 ta o‘yin o‘tkazib, shularning 5 tasida g‘alaba qozonishdi, 2 marta durang qayd etib, 3 bor mag‘lubiyatga uchrashdi.
