Kamoliddin Tojiyev: \"Namoyish etilgan futboldan qoniqmadim\"

Futbol 02 iyl 2025 da 17:10

Bahrom Bobonov

Redaktor

“Paxtakor” murabbiyi Kamoliddin Tojiyev Oʻzbekiston kubogi 1/8 final bosqichi doirasida "Olimpik Mobiuz"ga qarshi oʻyindan soʻng tashkil etilgan matbuot anjumanida ishtirok etdi.

"Yigitlarga bellashuvga ishtiyoq bilan tushish kerakligini taʼkidladik, ammo baribir bu yetarli boʻlmadi. Bunday holatda oʻyin yaxshi chiqmaydi. Tajriba evaziga vaziyatlardan foydalandik va chorak finalga yoʻl oldik. Namoyish etilgan futboldan qoniqmadim. Keyingi bosqichda kimga toʻgʻri kelsak ham farqi yoʻq. Maydonga tushamiz va oʻynaymiz.

Alijonovda kichik jarohat borligi sababli avvalgi oʻyinda maydonga tusha olmadi. Keyingi bellashuvga toʻliq tayyor boʻladi", - deydi Tojiyev.

Eslatib oʻtamiz, oʻyin 2:1 hisobida “Paxtakor”ning gʻalabasi bilan yakunlandi. Brayan Riaskos har ikkala golga mualliflik qildi.

Aloqador jamoalar va ligalar

Pakhtakor Tashkent

Uzbekistan Cup