Joze Mourinyuning qaytishi Vinisius uchun muammo tug‘dirmaydi
Madridning «Real» klubi qanot hujumchisi Vinisius Junior uchun murabbiy Joze Mourinyuning jamoaga qaytishi ehtimoli muammo hisoblanmaydi.
Braziliyalik futbolchining «Benfika» yarimhimoyachisi Janluka Prestianni bilan sodir bo‘lgan mojarosida portugaliyalik mutaxassis o‘ziga xos pozitsiyani egallagan edi. Ma’lumot uchun, Mourinyo 2025 yilning sentyabr oyidan buyon Lissabon klubini boshqarib kelmoqda. Bu haqda The Athletic xabar bermoqda.
17 fevral kuni Yevropa Chempionlar Ligasi pley-off bosqichi doirasida bo‘lib o‘tgan «Real» va «Benfika» uchrashuvida Vinisius Prestianni tomonidan irqchilik ruhidagi haqoratlarga uchraganini ma’lum qilgan edi. O‘yindan so‘ng Mourinyu braziliyalik hujumchining o‘zi ushbu voqeaga provokatsiya sababchisi bo‘lgan bo‘lishi mumkinligini taxmin qilgandi.
Keyinchalik Prestianni ushbu voqea sababli oltita o‘yinga diskvalifikatsiya qilindi.
