Joan Garsiya mashgʻulotlarga qaytdi

Kataloniyaning «Barselona» klubi darvozaboni Joan Garsiya jarohatidan sogʻayib, umumiy guruh mashgʻulotlariga qaytdi. Bu haqda insayder Fabritsio Romano xabar bermoqda.

Qayd etilishicha, murabbiylar shtabi futbolchining sogʻligʻini xavf ostiga qo'ymoqchi emas. Shu sababli Garsiyaning rasmiy oʻyinlarga qaytishi milliy jamoalar oʻyinlari uchun ajratilgan xalqaro tanaffusdan keyingi davrga rejalashtirilgan.

Eslatib oʻtamiz, ispaniyalik posbon sentyabr oyi oxirida chap tizzasidan jarohat olgandi.

Maʼlumot uchun, Garsiya joriy mavsum barcha turnirlarda 7 ta oʻyinda maydonga tushib, 3 tasida darvozasi daxlsizligini saqlab qoldi. Uning Transfermarkt'dagi narxi 25 million yevroga baholanmoqda.

Nasrullo Karimov

Jurnalist