Jiru \"Lill\" bilan shartnoma imzolaydi
Photo: Getty Images
"Los-Anjeles" hujumchisi Olive Jiru Fransiya chempionatida faoliyatini davom ettiradigan bo‘ldi.
Foot Mercato xabariga ko‘ra, 38 yoshli forvard “Los-Anjeles” bilan o‘zaro kelishuv asosida hamkorlikni yakunlashga kelishib olishdi.
29 iyun kuni Jiru amaldagi jamoasi safida so‘nggi uchrashuvini o‘tkazadi va so‘ngra Fransiyaga yangi klubi bilan shartnoma imzolash uchun yo‘l oladi.
Jiru "Los-Anjeles"da 2024 yilning yozidan beri o‘ynamoqda. U jamoa safida 37 ta o‘yin o‘tkazib, 5 ta gol urgan va 3 ta golga assistentlik qilgan.
Fransiyalik futbolchi bunga qadar "Milan", "Chelsi", "Arsenal", "Monpelye", "Tur" va "Grenobl" klublarida ham to‘p surgan.
Roziqjon Sultonmurodov
Jurnalist