JCH-2026. Janubiy Koreya Chexiyani mag'lubiyatga uchratdi
A guruhida birinchi tur o'yinlari yakuniga yetdi.
ФОТО: Getty images
2026 yilgi Jahon chempionatining A guruhidan o‘rin olgan Janubiy Koreya va Chexiya terma jamoalari o‘rtasidagi uchrashuv nihoyasiga yetdi. Unda koreyaliklar 2:1 hisobida g‘alaba qozondi.
Hisob 59-daqiqada ochildi – chexiyalik himoyachi Ladislav Kreychiy o‘z nomini tabloga yozdirib qo‘ydi. Oradan sakkiz daqiqa o‘tib, Hvan In Bom hisobni tenglashtirdi. 80-daqiqada esa O Hyon Gyu gol urib, Janubiy Koreyaga muhim uch ochko keltirdi.
Ushbu natijadan so‘ng Janubiy Koreya ochkolar sonini uchtaga yetkazib, guruhda ikkinchi o‘ringa ko‘tarildi. Chexiya esa hali ochko jamg‘ara olmagan holda uchinchi pog‘onada qolmoqda.
