JCH-2026. Fransiya — Iroq o‘yini momaqaldiroq tufayli bekor qilinishi mumkin — L’Équipe
O‘yin vaqtida havo harorati +33°C gacha ko‘tarilishi kutilmoqda.
ФОТО: Getty images
2026 yilgi jahon chempionati guruh bosqichining 2-turidan o‘rin olgan Fransiya va Iroq terma jamoalari o‘rtasidagi o‘yin (23 iyun) momaqaldiroq sababli o‘tkazilmasligi mumkin.
O‘yin Filadelfiyadagi «Lincoln Financial Field» stadionida bo‘lib o‘tishi kerak. Bu haqda L’Équipe xabar bermoqda.
O‘yin vaqtida havo harorati +33°C gacha ko‘tarilishi kutilmoqda. Shuningdek, vaqti-vaqti bilan momaqaldiroq va yomg‘ir yog‘ishi ehtimoli bor.
2025 yil yozida AQShda o‘tkazilgan klublar o‘rtasidagi jahon chempionati vaqtida «Chelsi» va «Benfika» o‘rtasidagi 1/8 final o‘yini momaqaldiroq sababli yuzaga kelgan tahminan ikki soatlik tanaffus tufayli umumiy hisobda to‘rt soatu 38 daqiqa davom etgandi.
