Ispaniya Kubogi. «Barselona» safarda «Gvadalaraxara» ustidan ishonchli gʻalabaga erishdi
16 dekabrdan 17 dekabrga o‘tar kechasi Ispaniya Kubogi 1/16 final bosqichi doirasida «Gvadalaxara» va «Barselona» o‘rtasidagi uchrashuv bo‘lib o‘tdi. Ispaniyaning uchinchi divizionida ishtirok etuvchi jamoaga qarshi bahsda kataloniyaliklar 2:0 hisobida g‘alaba qozondi.
Uchrashuvdagi hisob 76-daqiqada ochildi. Niderlandiyalik yarimhimoyachi Frenki de Yongning uzatmasidan so‘ng daniyalik himoyachi Andreas Kristensen «Barselona»ni oldinga olib chiqdi. 90-daqiqada esa Markus Rashford Lamin Yamalning pasidan unumli foydalanib, mehmonlar ustunligini mustahkamladi.
«Ko‘k-anorranglilar» uchun bu Ispaniya Kubogining joriy mavsumidagi ilk uchrashuv bo‘ldi. «Gvadalaxara» esa musobaqani birinchi bosqichdan boshlagan bo‘lib, dastlab «Kaseranyo»ni 2:1 hisobida mag‘lub etdi. Ikkinchi raundda esa uchinchi liga vakili «Seuta» ustidan 1:0 hisobida g‘alaba qozongan edi.
