«Inter» Mark Gehini o‘z safiga qo'shib olmoqchi

«Inter» «Kristal Pelas» markaziy himoyachisi, Angliya milliy jamoasi aʼzosi Mark Gehiga qiziqish bildirmoqda. Bu haqda Get French Football News nashri xabar bermoqda.

Maʼlumki, «Inter» erkin agentlar bilan shartnoma tuzish boʻyicha faol klublardan biri hisoblanadi va endi ular diqqat eʼtiborini Gehiga qaratgan.

Futbolchining oʻzi ham milanliklarning qiziqishiga ochiq, biroq u hozircha kelajagi borasida yakuniy qaror chiqarmagan va Italiyaga koʻchib oʻtishni ustuvor maqsad sifatida belgilamagan.

Maʼlumot uchun, Mark Gehining «Kristal Pelas» bilan tuzgan amaldagi shartnomasi mavsum oxirida yakuniga yetadi. Uning Transfermarkt'dagi narxi 45 million yevroga baholanmoqda.

Nasrullo Karimov

Jurnalist