«Inter» Italiya Kubogini 10-marta qo‘lga kiritdi
Milanlik “Inter” jamoasi Italiya Kubogi 2025/2026 mavsumi finalida rimlik “Latsio”ni 2:0 hisobida mag‘lub etdi.
Shu tariqa “nerradzurrilar” milliy kubokni 10-marta qo‘lga kiritdi va bu turnir tarixidagi ikkinchi eng yaxshi ko‘rsatkich hisoblanadi.
Ta’kidlash joizki, ushbu musobaqadagi g‘olibliklar soni bo‘yicha rekord Turinning “Yuventus” klubiga tegishli bo‘lib, uning hisobida 15 ta titul mavjud.
Avvalroq “Inter” ushbu sovrinni 1938/1939, 1977/1978, 1981/1982, 2004/2005, 2005/2006, 2009/2010, 2010/2011, 2021/2022 va 2022/2023 mavsumlarida qo‘lga kiritgan.
Joriy Kubok Italiyaning 1/2 finalida milanlik “Inter” “Komo”ni umumiy hisobda 3:2 bilan yenggan bo‘lsa, rimlik “Latsio” Bergamoning “Atalanta” jamoasini penaltilar seriyasida (3:3, 2:1) mag‘lub etgan.
