Gvardiola «Barselona»ga prezident sifatida qaytish ehtimoli haqida gapirdi
«Manchester Siti» bosh murabbiyi Xosep Gvardiola «Barselona»ga klub prezidenti sifatida qaytishi mumkinligi haqidagi savolga o‘z munosabatini bildirdi. Katalon klubiga chuqur bog‘langan mutaxassis bu boradagi fikrlarini ochiq aytdi.
«Barsa» noyob klub, chunki unda har bir insonning o‘z fikri bor. Klub ichidagi odamlar hamisha atrofdagi shov-shuvlarga e’tibor qaratishi kerak. Shu sababli bu dunyodagi eng katta va eng o‘ziga xos klub — hamma uni boshqarmoqchi bo‘ladi.
Men «Barselona»dan yuz o‘girmayman — biz har doim o‘zimiz boshlab bergan joyni eslaymiz. Ammo galstuk taqib, prezidentlar lojiyasida o‘tirish? Yo‘q, men o‘zimni u yerda tasavvur qila olmayman», — deya Gvardiolaning so‘zlarini RAC1.
Gvardiola «Barselona» bilan boy tarixga ega. U 1990–2001 yillarda klub safida futbolchi sifatida o‘ynagan. Futbolchilik faoliyatini yakunlagach, 2008–2012 yillarda birinchi jamoani bosh murabbiy sifatida boshqargan va katta muvaffaqiyatlarga erishgan.
