Guler: «Agar Alonso bir kun menga darvozabon sifatida o'ynashimni aytsa, darhol qo'lqop sotib olaman»

Madridning «Real» klubi hujumchisi Arda Guler jamoa bosh murabbiyi Xabi Alonso haqida fikrlari bilan oʻrtoqlashdi va u murabbiy topshirgan har qanday vazifani bajarishga tayyor ekanini taʼkidladi.

«Men Xabi Alonsoning rejalariga toʻliq ishonaman. Agar u bir kun menga darvozabon sifatida o'ynashimni aytsa, darhol qo'lqop sotib olaman», — dedi Guler.

Maʼlumot uchun, Guler joriy mavsum barcha turnirlarda 10 ta oʻyinda maydonga tushib, 3 ta gol urdi va 4 ta golli uzatmani amalga oshirdi. Uning Transfermarkt'dagi narxi 45 million yevroga baholanmoqda.

Nasrullo Karimov

Jurnalist