Guardiola: \"Zaxirada ko'pchilik o'tirishini xohlamayman, tarkibni qisqartiramiz\"
"Manchester Siti" bosh murabbiyi Xosep Guardiola klublar o'rtasidagi jahon chempionatidan so'ng tarkibdagi bir necha futbolchilarni ijaraga berish va ular bilan xayrlashish mumkinligini ta'kidlab o'tdi.
"Men hozirgi futbolchilarimizning butun mavsum davomida jamoada qolishini juda xohlar edim. Menda ularga nisbatan hech qanday e'tiroz yo'q.
Umuman olganda, jamoada futbolchilarning o'zini tutishi va mashg'ulotlardagi mehnatlari menga yoqadi. Biroq menga zaxirada 6-7 futbolchi kerak emas.
Agar tarkibda ko'pchilik qolsa, ular mavsum davomida o'zini baxtsiz his qiladi, tushkunlikka tushadi, hafa bo'ladi — men esa bunday holatni istamayman.
Rostdan ham bizda katta tarkib bor, futbolchilar soni ko'p. Shu sabab, bu mavsumda 26 yoki 27 nafar o'yinchi bilan ishlash mumkin emas. Bir qancha futbolchilar jamoani tark etadi", — deya Guardiolaning so'zlarini keltiradi ESPN.
