Grinvud faoliyatini «Barselona»da davom ettirishi mumkin
«Barselona» Fransiyaning «Marsel» klubi hujumchisi Meyson Grinvud bilan shartnoma imzolashi mumkin. Bu haqda The Sun nashri xabar berdi.
Manbaga ko‘ra, kataloniyalik skautlar Fransiya chempionatining 8-turida «Gavr»ga (6:2) qarshi o‘yinda angliyalik futbolchining o‘yinini kuzatgan — aynan o‘sha bahsda Grinvud poker qayd etgan.
Ma’lum qilinishicha, «Barselona» vakillari 24 yoshli hujumchining o‘yinidan hayratda qolishgan. Shuningdek, klub Grinvudga hali 2023 yilda, u «Manchester Yunayted»dan «Xetafe»ga ijaraga o‘tganda ham qiziqish bildirgan edi.
Joriy mavsumda Grinvud barcha turnirlar doirasida 12 ta o‘yinda maydonga tushib, 8 ta gol va 4 ta golli uzatmaga mualliflik qilgan. Futbolchining «Marsel» bilan amaldagi shartnomasi 2029-yil yozigacha mo‘ljallangan. Transfermarkt ma’lumotiga ko‘ra, uning bozor qiymati 40 million yevroni tashkil etadi.
