Gonsalo Garsiya yozgi transfer oynasida jamoasini o‘zgartirishi mumkin

Yevropaning uch klubi hujumchini o‘z safiga qo‘shib olishga da’vogarlik qilmoqda.

Futbol Bugun da 16:12

Ibrohim Jalolov

Redaktor

Madridning «Real» klubi forvardi Gonsalo Garsiya yozgi transfer oynasida jamoasini o‘zgartirishi mumkin. Bu haqda El Debate nashri jurnalistlari xabar bermoqda.

Manba bergan ma’lumotlarga ko‘ra, bir yo‘la bir nechta klub hujumchini o‘z safiga qo‘shib olishga da’vogarlik qilmoqda. Gap Dortmundning «Borussiya», «Real Sosedad» va «Komo» klublari haqida bormoqda. Ehtimoliy transfer summasi taxminan 30 million yevroni tashkil qilishi mumkin.

Ispaniya chempionatining yakunlangan mavsumida Garsiya «qirollik klubi» safinda 30 ta uchrashuvda maydonga tushdi. Gonsalo o‘z hisobiga 6 ta gol va 1 ta golli uzatma yozdirib qo‘yishga muvaffaq bo‘ldi. 22 yoshli futbolchining «qaymoqranglilar» bilan amaldagi shartnomasi 2030 yilning iyun oyi oxirigacha mo‘ljallangan.