Florentino Peres 2026 yilda «Real» prezidentligidan isteʼfoga chiqishi mumkin

Madridning «Real» klubi prezidenti Florentino Peres kelasi yilda o‘z lavozimini tark etishni rejalashtirmoqda. Bu haqda jurnalist Pepe Alvares xabar berdi.

Qayd etilishicha, 78 yoshli rahbarning vakolat muddati aslida 2028 yilgacha davom etadi.

Manbaga ko‘ra, Peres «Real» referendumni qo‘llab-quvvatlamasligidan qatʼiy nazar, klubda hokimiyatning tartibli va aniq tizim asosida topshirilishini istaydi.

Eslatib oʻtamiz, Florentino Peres «Qirollik klubi»ga ilk bor 2000 yilda prezident etib saylangan va 2006 yilgacha faoliyat yuritgan. 2009 yilda u yana klub rahbari etib qaytdi. Uning boshqaruvi davrida «Real Madrid» 37 ta sovrinni qo‘lga kiritdi, shu jumladan, yetti marta Chempionlar Ligasi g‘olibiga aylandi.

Nasrullo Karimov

Jurnalist