FIFA «Barselona»ga JCH–2026 uchun 2,8 million yevro toʻlab beradi
Xalqaro futbol federatsiyasi (FIFA) Jahon chempionati–2026da ishtirok etgan futbolchilari uchun «Barselona»ga 2,8 million yevro toʻlab beradi. Bu haqda AS nashri xabar tarqatdi.
Manbaga koʻra, Kataloniya klubi bu safar 2022 yilgi Jahon chempionatiga nisbatan kamroq mablagʻ oladi. Oʻshanda FIFA «Barselona»ga futbolchilarining mundialdagi ishtiroki uchun 4,4 million yevro toʻlagan edi.
Xabar qilinishicha, barcha klublar saralash bosqichida ishtirok etgan har bir futbolchi uchun har bir oʻyin hisobidan 2362 AQSh dollari (taxminan 2063 yevro)dan oladi. Bunda futbolchi maydonga tushgan yoki tushmaganining ahamiyati yoʻq.
Jahon chempionati final bosqichida esa toʻlovlar yanada yuqori boʻladi. FIFA milliy jamoalar yigʻinining birinchi kunidan boshlab, terma jamoaning turnirdagi soʻnggi oʻyinidan keyingi kungacha har bir futbolchi uchun kuniga 4330 yevro miqdorida mablagʻ ajratadi.
