Fermin Lopes jarohati sabab taxminan ikki haftaga safdan chiqdi

«Barselona» matbuot xizmati klub yarimhimoyachisi Fermin Lopes jarohat olgani haqida ma’lum qildi. 22 yoshli futbolchida o‘ng oyog‘ining mushagida kichik jarohat aniqlangan.

Klub shifokorlariga ko‘ra, uning tiklanishi taxminan ikki hafta davom etadi.

Lopes 25 noyabr kuni bo‘lib o‘tgan Chempionlar ligasi umumiy bosqichining 5-turida «Chelsi»ga qarshi o‘yinda (3:0) 62-daqiqada almashtirilgandi.

Joriy mavsumda u barcha turnirlar doirasida 13 ta o‘yinda maydonga tushib, 7 ta gol va 4 ta golli uzatma muallifi bo‘ldi. Fermin Lopesning amaldagi shartnomasi 2029 yilgacha mo‘ljallangan.

Nasrullo Karimov

Jurnalist