\"Fenerbahche\" Sanega qancha maosh taklif qilgani ma'lum
Sane maosh sabab "Bavariya"ni tark etmoqchi
Photo: Getty Images
“Bavariya” vingeri Leroy Sane faoliyatini Turkiya Superligasida davom ettirishi mumkin, deya xabar beradi Bild.
Qayd etilishicha, unga “Fenerbahche” klubi ham qiziqish bildirmoqda. Joze Mourino boshqaruvidagi klub 29 yoshli vinger uchun yiliga 15 mln yevro maosh bermoqchi. Shuningdek, qo‘shimcha bonusga ham ega bo‘ladi.
Avvalroq “Galatasaroy" ham unga taklif bilan chiqqandi. Turkiya Superligasi chempioni Sane uchun yiliga 10 mln yevro maosh taklif qilgan.
O‘z navbatida “Bavariya” ham Saneni tarkibda saqlab qolish harakatini davom ettirmoqda.
Roziqjon Sultonmurodov
Jurnalist