Estevao Holand va Mbappe erishgan noyob natijani takrorladi
Braziliyalik hujumchi «Barselona» darvozasini ishgʻol qildi.
FOTO: Getty Images
«Chelsi»ning 18 yoshli braziliyalik hujumchisi Estevao Villian tarixga kirdi.
Opta ma’lumotlariga ko‘ra, u 19 yosh va undan kichik futbolchilar orasida Chempionlar ligasidagi ilk uchta o‘yinida asosiy tarkibda maydonga tushib, har safar gol urgan uchinchi futbolchi bo‘ldi.
Estevao 25–26 noyabrga o‘tar kechasi «Barselona»ga qarshi o‘yinning (3:0) 55-daqiqasida jamoasining ikkinchi golini kiritdi. Bungacha u 3-turda «Ayaks»ga (1:0), 4-turda esa safarda «Qorabog‘»ga (2:2) gol urgandi. Avvalgi uchrashuvlarda u faqat zaxiradan maydonga tushgan.
Maʼlumot uchun, avvalroq bunday natijaga faqat Kilian Mbappe va Erling Holand erishgan edi.
Nasrullo Karimov
Jurnalist
