Endrik klublar o'rtasidagi JCHni o'tkazib yuboradi
Photo: Getty Images
Madridning “Real” klubi hujumchisi Endrik o'ng oyog'idan jarohat oldi. Bu haqda klub rasmiy sayti xabar berdi.
Madridning "Real" klubi hujumchisi "Sevilya"ga (0:2) qarshi o'yinning ikkinchi bo'limida jarohat oldi. Yakshanba kungi uchrashuvning 58-daqiqasida u almashtirildi.
Natijada, braziliyalik futbolchining o'ng oyog'ining son qismidan jarohat olgani aniqlandi. Qayta tiklanish taxminan ikki oy davom etishi kutilmoqda.
Shu tariqa Endrik La Ligada "Real Sosedad"ga qarshi o'ynamaydi va klublar o'rtasidagi jahon chempionatida ishtirok etmaydi.
