Dunyoning eng qimmat klublari e’lon qilindi

Forbes jurnali dunyodagi eng qimmat futbol klublari reytingini e’lon qildi. Unda Ispaniyaning “Real Madrid” jamoasi ketma-ket beshinchi marta jahondagi eng qimmat futbol klubi deb topildi.

Manbaga ko‘ra, Madrid klubining qiymati 9,5 milliard dollarga baholanmoqda. Bu o‘tgan yildagi ko‘rsatkich – 6,75 milliard dollardan 41 foizga yuqori.

“Barselona” (7,5 milliard dollar) va “Manchester United” (7,2 milliard dollar) ham kuchli uchlikdan joy oldi.

Shuningdek, eng qimmat o‘nta klub qatoriga “Liverpool” (6,2 milliard dollar), PSJ (5,8 milliard dollar), “Bavariya” (5,7 milliard dollar), “Manchester City” (5,5 milliard dollar), “Arsenal” (5,4 milliard dollar), “Chelsea” (4,2 milliard dollar) va “Tottenham” (3 milliard dollar) kirdi.

Roziqjon Sultonmurodov

Jurnalist