De Yong chorshanba kuni «Barselona» bilan yangi bitim imzolaydi

Niderlandiyalik yarimhimoyachi Frenki de Yong terma jamoadan qaytgach, shu chorshanba kuni "Barselona" bilan shartnomasini 2029 yilgacha uzaytiradi. Bu haqda Mundo Deportivo xabar berdi.

Manbaga ko'ra, 28 yoshli futbolchining tovon puli 500 million yevrogacha oshadi.

Eslatib o'tamiz, Frenki de Yong 2019 yilda "Ayaks"dan 85 million yevro evaziga “Barselona” safiga ko'chib o'tgan edi. “Blaugrana”lar safida shu kungacha 267 ta o'yinda maydonga tushib, 19 ta gol urgan va 24 ta golli uzatmani amalga oshirgan.

Joriy mavsumda futbolchi klub safida barcha musobaqalarda sakkizta o'yin o'tkazib, bitta golli uzatmani amalga oshirdi.

Roziqjon Sultonmurodov

Jurnalist