De Bruyne Lionel Messining jamoadoshiga aylanishi mumkin - ESPN
“Manchester Siti” yarim himoyachisi Kevin De Bruyne faoliyatini MLS'da davom ettirishi mumkin. Bu haqda ESPN nashri xabar bermoqda.
Manbaga ko'ra, “Inter Mayami” belgiyalik futbolchiga qiziqish bildirmoqda. Devid Bekxem jamoasi Kevinni “kashfiyotlar ro'yxati”ga kiritgan.
MLS qoidalariga ko'ra, klublar istalgan vaqtda o'zlarining “kashfiyotlar ro'yxati”ga beshtagacha futbolchini qo'shishlari mumkin.
O'yinchini ro'yxatga qo'shish orqali u jamoa liganing boshqa klublari bilan raqobatlashmasdan avval muzokaralarni boshlash uchun eksklyuziv huquqqa ega bo'ladi.
Ma'lumot uchun, De Bruyne joriy mavsum barcha turnirlarda 30 ta o'yinda maydonga tushib, 4 ta gol urdi va 7 ta golli uzatmani amalga oshirdi. Uning Transfermarkt'dagi narxi 27 million yevroga baholanmoqda.
