Correa \"Atletiko\"ni tark etishini e'lon qildi
Photo: Getty Images
"Atletiko" hujumchisi Anxel Correa mavsum yakunida jamoani tark etadi.
Argentinalik 30 yoshli futbolchi "Betis"ga (4:1) qarshi o‘yindan so‘ng bu haqda muxlislarga murojaat qildi.
"Bugun men o‘zim yaxshi ko‘rgan klub libosida so‘nggi uy uchrashuvimni o‘tkazdim. Bu shunchaki bir kun emas, balki doimiy his-tuyg‘ular va minnatdorlik oqimi edi.
Klubga, jamoadoshlarimga va aql bovar qilmaydigan muxlislarga rahmat. Men har bir olqishni abadiy eslayman", — dedi Correa.
Ma’lumot uchun, Correa "Atletiko" safida 10 yildan ortiq vaqt davomida to‘p surdi, 465 ta o‘yinda maydonga tushib, 88 ta gol urgan va 65 ta golli uzatmani amalga oshirgan. Futbolchi faoliyatini "Tigres" jamoasida davom ettirmoqda.
