«Chelsi» oʻz tarkibini «Real» tarbiyalanuvchisi bilan kuchaytirmoqchi

Londonning «Chelsi» klubi «Komo» yarimhimoyachisi Niko Pas transferi boʻyicha rasmiy soʻrov yubordi. Bu haqda Caught Offside nashri xabar bermoqda.

Manbaga koʻra, londonliklar rahbariyati 21 yoshli argentinalik futbolchining narxi yaqin yillarda 100 million yevrogacha oshishi mumkin, deb hisoblamoqda.

Biroq «Chelsi»ga bu transferda «Real» toʻsqinlik qilishi mumkin. Sababi Pas «qirollik klubi» tarbiyalanuvchisi hisoblanadi. «Real» futbolchini 2026 yilda 9 million yevroga, yoki 2027 yilda 10 million yevroga qayta sotib olish huquqiga ega.

Maʼlumot uchun, Niko Pas joriy mavsum barcha turnirlarda 12 ta oʻyinda maydonga tushib, 4 ta gol urdi va 4 ta golli uzatmani amalga oshirdi. Uning Transfermarkt'dagi narxi 55 million yevroga baholanmoqda.

Nasrullo Karimov

Jurnalist