“Chelsi” keyingi mavsum Chempionlar Ligasi yoki Yevropa Ligasidan birini tanlashi mumkin
Futbol
Nasrullo Karimov
Jurnalist
FOTO: Getty Images
Londonning “Chelsi” klubi Konferensiyalar Ligasida g'alaba qozonib, APL orqali Chempionlar Ligasiga yo'llanma olsa, keyingi mavsum ikki turnirdan birida qatnashishni (Chempionlar Ligasi yoki Yevropa Ligasi) tanlashi mumkin bo'ladi. Bu haqda ESPN nashri xabar bermoqda.
Manbaga ko'ra, bu qoida Konferensiyalar Ligasida g'olib chiqqan nisbatan kuchsiz jamoalar uchun ishlab chiqilgan. Agar ular Chempionlar Ligasida ishtirok etishga ikkilanishsa, Yevropa Ligasi umumiy guruh bosqichiga yo'llanma olishlari mumkin.
Eslatib o'tamiz, Konferensiyalar Ligasining hal qiluvchi final o'yini 28-may kuni Polshada bo'lib o'tadi. Unda “Chelsi” va “Betis” o'zaro to'qnash keladi.
