«Barselona» Xamza Abdelkarim bilan shartnomani uzaytirmoqchi
Barselona hujumchi Xamza Abdelkarim bilan shartnomani uzaytirish niyatida. Kataloniya klubi 18 yoshli misrlik futbolchi va uning vakillari bilan muzokaralarni boshlab yuborgan. Bu haqda insayder Fabrizio Romano ma'lum qildi.
Qayd etilishicha, Barselona Abdelkarimga yaxshilangan shartlar asosida yangi shartnoma taklif qilmoqchi. Shuningdek, klub amaldagi kelishuvda ko'rsatilgan 15 million yevro miqdoridagi tovon puli bandini olib tashlashni rejalashtirmoqda. Ayrim xabarlarga ko'ra, kataloniyaliklar kelajakda ushbu bandni sezilarli darajada oshirishni ham ko'rib chiqmoqda.
Biroq hozircha tomonlar yakuniy kelishuvga erishgani yo'q. Muzokaralar davom etmoqda. Xamza mavsumoldi yig'inlarida jamoaning eng sermahsul futbolchilaridan biri bo'lib, 5 ta o'yinda 4 ta gol urgan.
