“Barselona” va “Arsenal” “Chelsi” hujumchisiga qiziqish bildirmoqda

Londonning “Chelsi” klubi hujumchisi Kristofer Nkunku yozgi transferlar vaqtida jamoasini o'zgartirishi mumkin. Bu haqda TEAMtalk nashri xabar bermoqda.

Manbaga ko'ra, fransiyalik futbolchiga “Arsenal” qiziqish bildirmoqda. “Kanonirlar” rahbariyati Kristofer jamoa bosh murabbiyi Mikel Artetaning taktik sxemalariga mos kelishiga ishonmoqda.

Bundan tashqari, Nkunkuni kataloniyaning “Barselona” klubi ham o'z safiga qo'shib olmoqchi.

Ma'lumot uchun, Nkunku joriy mavsum 42 ta o'yinda maydonga tushib, 14 ta gol urdi va 5 ta golli uzatmani amalga oshirdi. Uning Transfermarkt'dagi narxi 45 million yevroga baholanmoqda.

Nasrullo Karimov

Jurnalist