«Barselona» Torres bo‘yicha ikki klub taklifini rad etdi
“Barselona” klubi yozgi transfer oynasi vaqtida hujumchi Ferran Torresni jamoada olib qolishga qat’iy qaror qildi. Bu haqda Fichajes nashri xabar berdi.
Manbaga ko‘ra, kataloniyaliklar futbolchi uchun “Tottenxem” va “Nyukasl” klublaridan kelgan 50 million yevrolik ikkita taklifni rad etdi. Torres o‘tgan mavsumdagi samarali o‘yinlari orqali bosh murabbiy Hansi Flikkning ishonchini qozondi va hozirda asosiy tarkibning ajralmas qismi sifatida ko‘rilmoqda.
Ferran Torresning o‘zi ham “Barselona”da qolishni istamoqda va shartnomasini uzaytirishga tayyor ekanligini bildirgan. Klub hujumchini uzoq muddatli rejalarning muhim qismi sifatida ko‘rib, unga yangi shartnoma taklif qilishni rejalashtirmoqda.
Torres o‘tgan mavsum “Barselona” safida jami 45 o‘yinda maydonga tushib, 19 gol va 7 golli uzatma muallifiga aylangan. Futbolchining klub bilan shartnomasi 2027 yil yoziga qadar amal qiladi. Transfermarkt portali uning qiymatini 40 million yevro deb baholagan.
